ხშირად ადამიანებს აინტერესებს რა არის ფსიქოანალიზი, იყენებს თუ არა ფსიქოანალიტიკოსი ფსიქოლოგიურ ტესტებს, ფსიქოანალიზისთვის რომელი წიგნების წაკითხვაა მნიშვნელოვანი, სად შეიძლება მეტი ინფორმაციის მოძიება.
რა თქმა უნდა ვერანაირი ახსნა ვერ ჩაანაცვლებს პირადი გამოცდილებით მიღებულ ცოდნას, თუმცა ვეცდები მოკლედ და მარტივად აგიხსნათ ფსიქოანალიზის არსი.
კლასიკური ფსიქოანალიზი შეიქმნა ზიგმუნდ ფროიდის მიერ და ეფუძნება არაცნობიერის აღმოჩენას. არაცნობიერი არის ადამიანის ფსიქიკის ნაწილი, რომელზეც ადამიანს პირდაპირი წვდომა არ აქვს. მაგალითად, დიდი ხნის დავიწყებული მოგონებები. ეს ფსიქიკიდან განდევნილი მოგონებები ხშირად არიან ჩვენი ამჟამინდელი პრობლემების წყარო. სინამდვილეში, ჩვენ გვაწუხებს არა მოგონებები, არამედ მათთან დაკავშირებული გრძნობები. გრძნობები, რომლების განცდის საშუალებაც ოდესღაც არ მივეცით საკუთარ თავს და ნაცვლად გაანალიზებისა და მიღებისა ქვეცნობიერში განდევნა ჩვენმა ფსიქიკამ.
ფსიქოანალიტიკოსთან ერთად უსაფრთხო და კონფიდენციალურ ატმოსფეროში ადამიანს აქვს შესაძლებლობა თავიდან გაიაროს განიხილოს მისი ცხოვრების მნიშვნელოვანი მომენტები, ფსიქოანალიტიკოსი ეხმარება მას გაცნობიერებაში და თვითანალიზის უნარის გამომუშავებაში.
ზიგმუნდ ფროიდის შემდეგ, რა თქმა უნდა ფსიქოანალიზმა ბერვი მოდიფიკაცია განიცადა, მაგრამ ძირითადი არსი უცვლელად შეინარჩუნა: ფსიქოანნალიზის დროს ფსიქოანალიტიკოსი იკვლევს ადამიანის არაცნობიერს საუბრის საშუალებით. პროცესის დროს განსაკუთრებული მნიშვნელობა ენიჭება ანალიზანტის (ადამიანი, რომელიც ფსიქოანალიზშია) აზრებს, ასოციაციებს, ფანტაზიებს.
ფსიქოანალიტიკოსთან საუბრისა და ფსიქოანალიტიკური სესიის დროს ანალიზანტს შეუძლია ახალი, განსხვავებული პოზიციის დაიკავება და სხვა კუთხით დანახვა საკუთარი სიტუაციის და ქმდებების. ფსიქოანალიზი ხელს უწყობს საკუთარი სუბიექტურობის ჭეშმარიტებასთან დაახლოებას.
თანდათან ადამიანი იწყებს ცხოვრებაში ბევრი რამის სხვაგვარად აღქმას, იცვლება მისი ურთიერთობა საყვარელ ადამიანებთან, უადვილდება კომუნიკაცია, პოულობს საყვარელ საქმეს, რომელიც სიამოვნებას მოაქვს, სამყარო წყვეტს იყოს ნეგატიური და სახიფათო, ჩნდება პირადი შესაძლებლობების სპექტრი და იკვეთება შეზღუდვები, რომელიც ადამიანს გააჩნია.
ფსიქოანალიზის შედეგები, როგორც წესი, ძალიან ღრმაა და სამუდამოდ რჩება თქვენთან. არაცნობიერთან მუშაობის უნიკალური გამოცდილების მიღების შემდეგ, თქვენ იძენთ ფასდაუდებელ რესურსს და თვითანალიზის უნარს. და, რაც მთავარია - საკუთარი სურვილისა და პიროვნების პატივისცემის კულტურა.
ყველაზე ღირებული, რაც ფსიქოანალიტიკოსს შეუძლია მოგცეთ, არის დაცული სირცე, სადაც შეგიძლიათ ისაუბროთ ღიად და თავისუფლად. ფსიქოანალიზის დროს შეგიძლიათ ისაუბროთ და იმუშაოთ ნებისმიერ პრობლემაზე, თუ ეს, თქვენ გეხებათ და გაქვთ მზაობა. იქნება ეს მარტოობა, შფოთვა, განქორწინება, კონფლიქტები, გაუგებრობები ოჯახში, ღალატი თუ სექსი. ზოგჯერ ფსიქოანალიტიკოსთან ერთი შეხვედრაც საკმარისია, ზოგჯერ ამას გაცილებით მეტი დრო სჭირდება.
ფსიქოანალიზი ან ფსიქოანალიტიკოსის კონსულტაცია დაგეხმარებათ გაუმკლავდეთ ცხოვრებისეულ სირთულეებს.
მნიშვნელოვანია, რომ არ დარჩეთ მარტო თქვენს პრობლემებთან.

ფსიქოანალიტიკოსი არის სპეციალისტი, რომელიც თავის საქმიანობაში ეყრდნობა ადამიანის არაცნობიერ ფსიქიკურ პროცესებს და მათი გამოხატვის გზებს (სიმპტომები, სიზმრები, განმეორებადი ქმდებების და ა.შ.).
ფსიქოანალიტიკოსი მუშაობს ფქიქოანალიზის დროს ადამიანის გამოთქმული სიტყვების და სასაუბრო ენის სტრუქტურებზე დაყრდნობით. ფსიქოანალიტიკოსს აქვს საბაზისო განათლება (ძირითადად, სამედიცინო ან ფსიქოლოგიის სფეროში) და ასევე სპეციალიზირებულია ფსიქოანალიზის თეორიაში, მუშაობს მინიმუმ ორ სუპერვაიზერთან ერთად და აქვს მინიმუმ 250 საათიანი პირადი ანალიზის გავლის გამოცდილება, ეს ეხმარება მას დარჩეს ნეიტრალური და ობიექტური ანალიზანტთან მუშაობის დროს.
ფსიქოანალიზი არის როგორც მუშაობის მეთოდი, ასევე ეთიკური კონცეფცია.

პროცესი გრძელდება, მანამ სანამ თავად ანალიზანტს სურს გაგრძელება. მუშაობის საუკეთესო შედეგი მიიღწევა, როდესაც ანალიზანტი იძენს თვითანალიზის უნარს და ღრმად ითვისებს „მესამე მხარეს“, რომელიც იყო ფსიქოანალიტიკოსი მასსა და მის მეტყველებას შორის. როდესაც ადამიანის ფსიქიკური და ფიზიკური მდგომარეობა უმჯობესდება და თავისუფლდება ტანჯვისგან, რომელიც აქამდე ხელს უშლიდა ცხოვრებაში, სიყვარულსა ან მუშაობაში, როდესაც ადამიანს გააჩნდია რესურსი, რომელიც აუცილებელია იმისათვის, რომ იყოს კმაყოფილი საკუთარი ცხოვრებით და გადაწყვეტილებებით, რომელსაც იღებს, როდესაც სირთულეების წინაშე დგას.
თუ თქვენი მოთხოვნა არ საჭიროებს ღრმა დამუშავებას, როგორც წესი საკმარისია ორიდან ათამდე საკონსულტაციო შეხვედრა. თუ გადაწყვეტილი გაქვთ სერიოზული ცვლილებები შეიტანოთ თქვენს ცხოვრებაში (გათავისუფლდეთ შფოთვისგან, ფობიიგან, ფიზიკური სიმპტომისგან ან დეპრესიიგან, დაამყაროთ ჯანსაღი ურთიერთობა ოჯახის წევრებთან, პარტნიორთან ან მშობლებთან, გააკეთოთ მნიშვნელოვანი არჩევანი, გაუმკავდეთ ღალატს, განშორებას, პირად ტრაგედიას ან გაქორწინებას), მაშინ გრძელვადიანი მუშაობა გრძელდება ექვსი თვის ან მეტი ხნის განმავლობაში. დახმარების ძიების თქვენი გადაწყვეტილება გულისხმობს პასუხისმგებლობის აღებას საკუთარ ცხოვრებაზე და რაღაცის შეცვლის სურვილის გაცნობიერებას. ასევე საკუთარი ფარული სურვილების გაანალიზებას და მიღებას.
კონსულტაცია არის პირველი ნაბიჯი ერთობლივი მუშაობისთვის. ფსიქოანალიტიკოსი გამომდინარეობს იქიდან, რომ არ არსებობს უნივერსალური პასუხები, მაგრამ ფსიქოანალიტიკოსს აქვს პროფესიული უნარები და გამოცდილება, რომელიც დაგეხმარებათ შეისწავლოთ თქვენი იდეები, სურვილები და მიზნები, მოგცეთ შესაძლებლობა გაიგოთ არსებული პრობლემის მიზეზები და განახორციელოთ საჭირო ცვლილებები.

ფსიქოანალიზის მთავარი ამოცანაა პრობლემების ფსიქოლოგიური მიზეზების და მათი განვითარების დინამიკის გააზრება, ცხოვრებაში მათი გამოვლინებების დანახვა, ანუ არაცნობიერის ცნობიერად ქცევა. ადამიანი იწყებს საკუთარი თავის ბევრად უკეთ გააზრებას და მისთვის შესაძლებელი ხდება შეცვალოს ის, რაც გადაულახავი ჩანდა.
ფსიქოანალიზის მეთოდს შეგიძლიათ მიმართოთ როდესაც გაწუხებთ:

• შფოთვა;
• დეპრესია;
• კრიზისული სიტუაციები: განშორება, პირადი ტრაგედია, განქორწინება;
• ფსიქოალოგიური და ფიზიკური ტრამვები;
• კვებასთან დაკავშირებული პრობლემები;
• კომუნიკაციასთან და ურთიერთობებთან დაკავშირებული პრობლემები;
• დემოტივაცია;
• პროფესიული სირთულეები;
• სირთულეები პირად ურთიერთობებში;
• სექსუალური ხასიათის პორბლემები;
• შიშები და ფობიები;
• დაბალი თვითშეფასება და თვითიდენტიფიკაციასთან დაკავშირებული პრობლემები;
• განმეორებითი უარყოფითი ქცევის პატერნები: ცხოვრების სხვადასხვა ასპექტში ერთი და იგივე შეცდომების გამეორების ტენდენცია;
• ინტერესი პიროვნული ზრდისა და თვითშემეცნების მიმართ: საკუთარი თავის, თქვენი მოტივების, ემოციების და ქცევის უფრო ღრმა გაგების სურვილი;
• ძილთან დაკავშირებული პრობლემები, რომლებსაც აქვთ ფსიქოლოგიური საფუძველი;
• ფსიქოსომატური დარღვევები: ფიზიკური სიმპტომები, რომლებიც შეიძლება დაკავშირებული იყოს ფსიქოლოგიურ მიზეზებთან;
• თუ გსურთ წარსული ტრავმების დამუშავება: წარსულის გამოცდილების გაგებისა და ინტეგრაციის აუცილებლობა, რომელსაც გააჩნია გავლენა აწმყოზე;
• ცხოვრებისეული ეტაპების ცვლილებებთან დაკავშირებული საკითხები: როგორიცაა ქორწინება, მშობიარობა, მენოპაუზა, პენსიაზე გასვლა, საცხოვრებელი ან სამუშაო ადგილის შეცვლა.

პირველი შეხვედრა აუცილებელია, რომ გავიცნოთ ერთმანეთი. ძალიან მნიშვნელოვანია, რომ პირველ ეტაპზე გაგიჩნდეთ კონკრეტულ სპეციალისტთან მუშაობის სურვილი. შეგიძლიათ ისაუბროთ იმ სიტუაციაზე, რამაც გიბიძგათ დაგეწყოთ ფსიქოანალიზის პროცესი, დასვათ შეკითხვები, რომლებიც გაწუხებთ. ფსიქოანალიტიკოსი დეტალურად განიხილავს თქვენთან ერთად, ფსიქოანალიტიკური პროცესის მეშვეობით რა მიზნების მიღწევაა შესაძლებელი.
კონსულტეციების დროს ფსიქოანალიტიკოსი არჩევს შესაბამის ფორმატს მომავალი ანალიზანტისთვის, არჩევანი კეთდება ძირითადად კონსულტაციების რეგულარულ სერიას, ფსიქოანალიტიკურ ორიენტირებულ თერაპასა და კლასიკურ ფსიქოანალიზს შორის.
ასევე ვათანხმებთ სეთინგს - სამუშაოს დროსა და ინტენსივობას (როდის და რამდენად ხშირად შევხვდებით) სესიების საფასურის ოდენობას.
ერთმა ფსიქოანალიტიკურმა კონსულტაციამაც კი შეიძლება შეამციროს არსებული ემოციური სტრესი და სხვაგვარად დაგანახოთ სიტუაცია, რომელშიც აღმოჩნდით.
თუ რაიმე მიზეზის გამო თქვენ ან ფსიქოანალიტიკოსს არ შეგიძლიათ მუშაობის გაგრძელება ამის შესახებ კონუსლტაციის დასრულების შემდეგ აწვდით ერთმანეთს ინფორომაციას.